Një faqe e fshirë, një përditësim shtojce i dështuar, një faqe e hakuar ose një kuti postare e fshirë. Të gjitha këto zgjidhen për pak minuta nëse keni backup dhe e dini ku është. Pa backup, e njëjta gjë mund të nënkuptojë ndërtimin e faqes nga e para.
Çfarë ruhet automatikisht
Në të gjitha paketat tona të hostingut JetBackup bën backup çdo ditë, dhe kopjet ruhen jashtë serverit ku punon faqja. Backup-i përfshin:
- Skedarët e faqes (gjithçka në
public_html, përfshirë WordPress, temat, shtojcat dhe fotot). - Bazat e të dhënave, ku WordPress ruan postimet, porositë dhe përdoruesit.
- Emailin, kutitë postare dhe mesazhet.
Te serverët VPS backup-i është përgjegjësia juaj, përveç nëse është rënë dakord ndryshe. Ky është një nga dallimet që i shpjegojmë te hosting i përbashkët apo VPS.
Si ta riktheni vetë, pa tiket
- Në panelin e klientit hapni hostingun dhe klikoni "Hyr në cPanel".
- Hapni JetBackup. Zgjidhni çfarë riktheni: File Backups për skedarë, Database Backups për bazë të dhënash, Email Backups për email.
- Zgjidhni një datë para problemit dhe klikoni Restore. Për një skedar të vetëm, me Change Files Selection zgjidhni vetëm atë.
Këshillë: nëse faqja punon dhe ka humbur vetëm një postim ose një faqe, riktheni vetëm bazën e të dhënave, jo skedarët. Nëse faqja është hakuar, riktheni edhe skedarët edhe bazën nga një datë para sulmit, pastaj ndryshoni menjëherë fjalëkalimet dhe përditësoni shtojcat.
Rregulli 3-2-1
Profesionistët mbajnë 3 kopje të të dhënave të rëndësishme, në 2 vende të ndryshme, nga të cilat 1 jashtë zyrës. Për një biznes të vogël kjo do të thotë:
- Faqja aktive në hosting.
- Backup-i ditor që bën hostingu.
- Kopja juaj, e shkarkuar një herë në muaj dhe para çdo ndryshimi të madh.
Kopjen tuaj e shkarkoni nga JetBackup me Download ose nga cPanel, te Backup, si backup i plotë i llogarisë. Ruajeni në një disk ose në një cloud ku keni qasje edhe pa hostingun.
Kur ju duhet sidomos kopja juaj
- Para një ndryshimi të madh: temë e re, version i ri i WooCommerce, zhvendosje e faqes.
- Kur hostingu po skadon. Pas skadimit shërbimi pezullohet, dhe të dhënat fshihen pas një kohe. Rinovojeni me kohë në panelin e klientit.
- Për të dhëna ligjore ose kontabël që duhet t'i ruani më gjatë se backup-et e përditshme.
Testojeni backup-in para se t'ju duhet
Një backup që nuk e keni provuar kurrë është vetëm një supozim. Një herë në disa muaj, riktheni një skedar të vjetër ose bazën në një nëndomen testues dhe kontrolloni që gjithçka është në vend. Nëse diçka nuk është e qartë, na shkruani dhe do t'ju ndihmojmë me rikthimin. Lexoni edhe si i mbrojmë faqet.







